ثار میں تیری گلیوں کے اے وطن کہ جہاں --- چلی ہے رسم کہ کوئی نہ سر اٹھا کے چلے

نثار میں تیری گلیوں کے اے وطن کہ جہاں --- چلی ہے رسم کہ کوئی نہ سر اٹھا کے چلے --- جو کوئی چاہنے والا طواف کو نکلے --- نظر چرا کے چلے جسم وجاں بچا کے چلے --- ہے اہل دل کے لیے اب یہ نظم بست و کشاد --- کہ سنگ وحشت مقید ہیں اور سگ آزاد --- بہت ہے ظلم کے دست بہانہ جوکے لیے ۔۔۔۔۔۔۔۔ جو چند اہل حنوں تیرے نام لیوا ہیں --- بنے ہیں اہل ہوس مدعی بھی ، منصف بھی ۔۔۔۔۔۔۔۔ کس کو وکیل کریں، کس سے منصفی چاہیں --- مگر گزارنے والوںکے دن گزرتے ہیں --- تیرے فراق میں یوں صبح شام کرتے ہیں--- بجھا جو ورزن زنداں تو دل یہ سمجھا ہے ۔۔۔۔۔۔۔۔ کہ تیری مانگ ستاروں سے بھرگئی ہوگی --- چمک اٹھے ہیں سلاسل تو ہم نے جانا ہے --- کہ اب سحر تیرے رخ پر بکھرگئی ہوگئی --- غرض تصور شام و سحر میں جیتے ہیں --- گرفت سایہ دیوار ودر میں جیتے ہیں ۔۔۔۔۔۔۔۔ یونہی ہمیشہ الجھی رہی ہے ظلم سے خلق --- نہ ان کی رسم نئی ہے نہ اپنی ریت نئی --- یونہی ہمیشہ کھلاے ہیں ہم نے آگ میں پھول --- اسی سبب سے فلک کا گلہ نہیںکرتے ۔۔۔۔۔۔۔۔ تیرے فراق میں ہم دل برا نہیں کرتے --- گرآج تجھ سے جدا ہیں تو کل بہم ہوں گئے --- یہ رات بھر کی جدائی تو کوئی بات نہیں --- گر آج اوج پہ ہے طائع رقیب تو کیا --- یہ چار دن کی خدا ئی تو کوئی بات نہیں --- جو تجھ سے عہد وفا استوار رکھتے ہیں --- علاج گردش لیل ونہار رکھتے ہیں --- نثار میں تیری گلیوں کے اے وطن کہ جہاں --- چلی ہے رسم کہ کوئی نہ سر اٹھا کے چلے --- جو کوئی چاہنے والا طواف کو نکلے --- نظر چرا کے چلے جسم وجاں بچا کے چلے Mr Faiz Ahmed Faiz